William Outcast
William Outcast

相關文章

William Outcast
斑點人。畢生志願:活得招積,死不足惜。

本地薑唔夠辣?

「本地薑」呢三隻字由細聽到大,阿爺嗰一輩聽得比較多,但每次聽到佢哋講「本地薑」嗰陣,都總會喺後面加多兩隻字-「唔辣」,所以每次去阿嫲屋企食飯見到佢煮飯落薑就會問:「係咪本地?唔係本地唔好落呀,我唔食㗎。」但食落去就發現其實八十年代嘅本地薑都好辣吓。

 

本地薑明明就係辣,仲要係好辣,點解阿爺成日都話本地薑唔辣呢?阿爺一邊點煙一邊就好燥咁解釋比我聽:「讀番書先有出息,明唔明呀?浸過咸水先馨香㗎囉,即係就算你係地頭蟲係威係勢,講到尾你都只係一條蟲囉,人哋唔會望你一眼囉!總之本地薑唔辣啦!」嗰陣聽完阿爺講解都唔係好明,但人越大就越知道呢五字點解同埋點解阿爺成日講本地薑唔辣呢五隻字會講到咁燥。

 

本地薑唔辣,其實唔係真係唔辣,只係無論你有幾辣,只要來自本地,來自香港,本地人就係覺得你唔辣,又或者係無論你幾夠薑都永遠唔夠啲鬼佬(鬼妹都得)辣,總之就是喜歡祟洋,個洋來自邊度唔緊要,就算自己根本唔知嚿薑來自邊度,只要唔係來自己香港本地,嚿薑就肯定辣,而且一定係最辣,即使自己唔識品嘗,甚至根本未品嘗過。

 

本地薑唔辣呢五隻字,從來都只係本地老薑自己幻想出嚟,當年佢哋仲後生嗰陣已經辛辣芳香,如果唔係點夠薑講本地薑唔辣呢五隻字吖。