gaomadyeah
gaomadyeah

相關文章
gaomadyeah

放下

繁忙嘅生活,忙到一個點連食都不再想思考,淨係知道要盡快完成手上事情,早午晚都要快要買外賣… 有冇試過成班同事趕住交稿,啲客坐喺Office等,嗰種煉獄般折磨嘅氛圍,仲點會有心情有時間落街坐低慢慢食飯?!個個上班族都被社會訓練到,速食快餐仿佛成為生活一部份,究竟食飯係咪要咁無時間,咁無營養?忙到有時變咗種習慣,外賣就成為咗生活一部分。

試吓幻想你而家買常餐B (餐蛋通外賣,加件多士,凍奶茶少甜) ,當開蓋熱氣隨即升上,有冇望一眼熱溶了嘅兜邊?攞起隻膠羹放入熱湯”畢”起通粉,膠羹遇熱變軟個質感你記得嗎?又有冇數過呢一個常餐,製造了幾多件垃圾?同一時間又有幾多人掉咗幾多件垃圾?”忙” 或許係藉口,方便看似接近完美,但社會糜爛只係大家看不見。

刺眼白色的發泡膠飯盒、外賣碗膠蓋嘅殘膠片、扭曲變哂形嘅即棄餐具、被魚咬無數破洞嘅膠飲管、五顏六色的膠樽蓋… 好容易在任何一個非康民署管轄的海灘,執到以上呢堆唔應該喺度出現的垃圾,台灣形容呢啲膠垃圾令海洋動物死亡的情況為「塑殺」。

我哋永遠唔會知道點解日常垃圾如何大量地落入海中,但我知道如果每人想買樽裝飲品時,都想一想海中滿佈垃圾畫面,試吓放番低枝膠樽裝飲品。當拎起電話想打出去叫外賣時,試吓諗諗,不如出去好好地坐低吃,試著放下方便習慣,放下急趕嘅步伐,好好的重新規劃每一天,吃好的食物,用好的方式進食,才是真正好的生活。